A creación dun novo produto turístico que vertebrara o patrimonio arquitectónico do casco vello da vila de Corcubión, declarado Conxunto Histórico Artístico no ano 1984, foi o motivo principal deste proxecto.

O traballo partiu da elaboración dun novo inventario de monumentos do conxunto, para en base ao estado de conservación e ao interese real de cada edificio, seleccionar os recursos adecuados e construír unha proposta que os artellara de cara ao visitante. O deseño da sinalización mediante dispositivos físicos acordes á zona e a edición de folletos informativos foron as ferramentas resultantes deste proxecto.