O director de TRIVIUM foi convidado polo Departamento de Prehistoria e Arqueoloxía da Universidade Autónoma de Madrid a participar no IV Congreso Internacional De Arqueología, Arte e Historia de la Antigüedad Tardía y Alta Edad Media Peninsular, orientado ao fenómeno rupestre e á súa investigación e posta en valor.

A conferencia versou sobre o guión museolóxico do Centro de Interpretación da Ribeira Sacra de San Pedro de Rocas, que a nosa empresa rematou no ano 2007, e tivo lugar na última mesa sectorial do congreso, que tiña como tema común a posta en valor do patrimonio rupestre. O Congreso contou coa participación de profesionais moi reputados como Ramón Bohigas, Antonino González Blanco ou José Ignacio Padilla.

Para TRIVIUM foi un verdadeiro pracer coñecer personalmente aos colegas asistentes a esta xuntaza e pensamos que de aqui poden saír novos proxectos en común con algúns deles.