Días despois de que a Xunta Directiva de Costa Ártabra aprobara o proxecto de “Rehabilitación e posta en valor do Castelo da Concepción”, TRIVIUM estratexias en cultura e turismo, presenta no Concello de Cedeira un documento básico de actuación.

Aínda que sumario, pois non existe moita información do contido que se lle quere dar a infraestructura, o estudo ofrecido ao Concello é unha guía de cómo dotar ao inmoble dun Centro de Interpretación para informar aos visitantes sobre os lugares de interese turístico de Cedeira e mostrar de xeito ameno os aspectos máis relevantes da fortaleza e da historia do municipio.